Clu-dach_An_Tromdha-mh-_(1).jpg

An Tromdhámh

Feargal Ó Béarra

€16.00

Luach Speisialta €14.00

100 lch; Clúdach Crua; ISBN 978 1 911363 21 7

Réamhordaigh ar Lacáiste Speisialta roimh 31 Meán Fómhair

Cuairt a thug Seanchán Ollamh agus a chuideachta ar an rí, agus saint is síor-éilimh na cuideachta ainmheasartha sin — idir fhilí, cheoltóirí, bhantracht is ghiollaí — is údar don aoirscéal binb-bhriathrach seo ó pheann anaithnid thart ar an mbliain 1300. Scéal iltéamach ilchisealach é Tromdhámh Guaire a bhfuil cuid dá phréamha ag síneadh siar chomh fada leis an seachtú haois, tréimhse a shamhlaítear le triúr dá mhórphearsana, Seanchán Toirpéist féin, Dallán Forgaill, agus Guaire an Oinigh. Sa leagan nua-chóirithe seo, tugtar friotal is foghar an tseanscéil slán go soléite do léitheoir na haoise seo.

Leabhar í seo a chuirfidh gliondar is gáire orthu siúd nach geal leo filí na Gaeilge idir shean is nua!

Guaire an Oinigh, Seanchán Torpéist agus Ciarán Chluana

Ní buan duine tar éis a aortha. Más maith a thuig na huaisle sin, is fearr a thuig an t-aos dána é óir ba é spleáchas an oinigh agus an dea-chlú ar a chéile a choinnigh cuallacht righin eisiatach sin na bhfilí in uachtar ó Chataibh go Cléire ar feadh breis agus ceithre chéad bliain. Sa sciamhleabhar siamsúil seo déantar athchóiriú do léitheoirí ár linne féin ar aoir a scríobhadh ar lucht aortha thart ar an mbliain 1300.

“Sciuird gan srian gan adhastar trí chuid mhór de shean-scéalaíocht na Gaeilge atá sa mbromach leabhair seo a chuirfidh ceo ar spéaclaí na tíre. Is inti a chastar dúinn na filí fealltacha agus na naoimh chealltacha, Seanchán Torpéist, Ciarán Chluana, an lobhar agus an odhar, mná gan náire, Fearghas mac Róich, agus Guaire é féin — an rí ab fhéile in Éirinn. Beirigí greim moinge ar an gcrúbach seo, agus as go brách linn siar san am agus san easaontas!” — Diarmuid Johnson

Sliocht Samplach den Tromdhámh