Éigse na Bruiséile

Éigse na Bruiséile: 192 lch; clúdach bog; 978-1-913814-74-8

Cnuasach aistí — idir léann, dhrámaíocht agus litríocht — a d’eascair as comhdháil Éigse na Bruiséile 2022.

I mí na Bealtaine 2022 a reáchtáladh Éigse na Bruiséile den chéad uair. Is toradh é ábhar an leabhair seo ar an chéad Éigse sin ‒ iarbhlas tairbheach tarraingteach ar chuid de na himeachtaí a reáchtáladh lena linn. Tá an sean ann: tuairisc chuimsitheach ar an nasc stairiúil atá ag na Gaeil leis an limistéar a dtugtar ‘an Bheilg’ air sa lá atá inniu ann. Tá an nua ann: anailís léirsteanach ar staid chomhaimseartha na Gaeilge in Éirinn agus go hidirnáisiúnta. Agus tá an tsíoraíocht ann: blaiseadh den drámaíocht agus den litríocht araon.

Ar na húdair tá an tOllamh Micheál Mac Craith, Pádraig Ó Laighin, Aogán Ó hIarlaithe, Rua Breathnach, agus Liam Mac Cóil. Is é Aogán Ó hIarlaithe a chuir in eagar.

Is faoin inphrionta Cló Lováin a foilsíodh an leabhar seo.

Léigh an t-alt ar Tuairisc.ie