Aoife Ní Dhufaigh

Scríbhneoir do pháistí agus do léitheoirí óga í Aoife Ní Dhufaigh a bhfuil cónaí uirthi in Inis Oírr, in oileáin Árann. Tá sealanna fada caite ina cónaí thar lear aici, agus tá sí anois ag plé leis an scribhneoireacht go lánaimseartha ar ais san oileán i gCuan na gaillimhe arb as dá muintir..

Foilsíodh dhá úrscéal léi go dtí seo, Go Tóin Poill agus Cathal, chomh maith le Scéilíní, sraith scéalta traidisiúnta atá curtha in oiriúint aici do léitheoirí óga. Is iad Éalú as an Lios agus An tSióg Mhallaithe an chéad dá leabhar sa tsraith Luisne Lios Lurgain. foilseofar an tríú leabhar sa tsraith sin i 2017.

Luisne Lios Lurgain

Sraith nua is ea Luisne Lios Lurgain faoi Luisne, sióg óg fiosrach atá ina cónaí faoi Lios Lurgain i nDomhan na Sí. Agus í ag foghlaim faoi shaol na sí agus faoi dhomhan na ndaoine, faoin maith agus faoin olc, tarlaíonn go leor eachtraí di féin agus dá cairde. Leabhair ghleoite iad do léitheoirí óga, agus is é Caomhán Ó Scolaí a dhearaigh na pictiúir.

Ealaín le Caomhán Ó ScolaíFoilsíodh Éalú as an Lios agus An tSióg Mhallaithe i 2015, agus foilseofar an tríú leabhar sa tsrtaith, Bainis na Sí i mbliana.

Fógraíodh Éalú as an Lios ar ghearrliosta Réic Carló in 2017.

 

An tSióg Mhallaithe

Aoife Ní Dhufaigh
€7.50
Beidh bainis mhór i Lios Lurgain! Tá deartháir Luisne, Lugh, le pósadh lena ghrá geal, Eimhear. Tá cuireadh ag Luisne agus Deirdre agus ag na sióga óga ar fad chuig an mbainis agus tá siad ar bís ag fanacht leis an lá mór. Ach ní bhfuair gach aon duine cuireadh. Tá sióg ghránna amháin nach bhfuil an-sásta nach bhfuair seisean cuireadh chuig an mbainis, agus nuair a thagann sé chuig an mbainis ní ceiliúradh ata ar intinn aige!
Tuilleadh

Éalú as an Lios

Aoife Ní Dhufaigh
€7.50
Is sióg óg í Luisne atá ina cónaí faoi Lios Lurgain i nDomhan na Sí. Agus í ag foghlaim faoi shaol na sí agus faoi dhomhan na ndaoine, tarlaíonn go leor eachtraí di féin agus dá cairde. Tá Luisne fiosrach faoi Dhomhan na nDaoine nó 'An Domhan Thuas'. Tá bealaí rúnda le taisteal amach as Domhan na Sí ach ní thugtar an t-eolas seo do shióga óga! Ach le gliceas, aimsíonn Luisne ceann de na bealaí rúnda, agus éalaíonn sí féin agus a cara Deirdre go dtí an Domhan Thuas. Cé go bhfeiceann siad rudaí iontacha ann, faraor, ní oibríonn a gcuid pleananna amach mar a shíl siad ... agus is gearr go mbíonn an bheirt i dtrioblóid!
Tuilleadh

An Nollaig Thuas

Aoife Ní Dhufaigh
€7.50
Is sióg óg í Luisne atá ina cónaí faoi Lios Lurgain i nDomhan na Sí. Agus í ag foghlaim faoi shaol na sí agus faoi dhomhan na ndaoine, tarlaíonn go leor eachtraí di féin agus dá cairde. Tá cuireadh faighte ag Luisne agus Deirdre an Nollaig a chaitheamh i measc na nDaoine sa Domhan Thuas. ‘Ná bainigí úsáid as na Cleasa Sí anseo,’ arsa Aintín Gormlaith leo. ‘Ní mian linn aird a tharraingt orainn féin!’ Ach nuair a thosaíonn cailíní na comharsan ag tromaíocht ar an mbeirt, bíonn an-fhonn orthu ceacht a mhúineadh dóibh. Nollaig í seo nach ndéanfar dearmad go héasca uirthil!

Tuilleadh