Scéalta Nuachta ó Leabhar Breac

Órchiste na Nollag

Gan dabht, is é Long John Silver an foghlaí mara is aitheanta ó chuir longa seoil chun farraige an chéad lá riamh. Bunaithe ar an íomhá a chruthaigh Robert Louis Stevenson ina úrscéal Oileán an Órchiste de mhairnéalach na leathchoise agus a phearóid ar a ghualainn aige, cruthaíodh samhail in intinn léitheoirí den fhoghlaí mara, samhail atá linn fós — agus leabhar a chuirfidh le teolaíocht cois tine an Nollaig seo. Read More

Seanchlasaicí na Seanbhliana

Tar éis fómhar raidhsiúil liteartha na bliana seo, tá réimse breá leabhar ar fáil le léamh cois tine le linn gearróga dubha an gheimhridh — seanchlasaicí agus 'clasaicí' nua ina measc a bhainfeadh an ghruaim den léitheoir i bhfad amach sa bhliain nua. Read More

Chugainn Feargal Ó Béarra agus an Tromdhámh!

Leabhar neamhchoitianta amach is amach is ea an leabhar nua seo le Fearghal Ó Béarra, athchóiriú ar sheanscéal ón 14ú hAois a thugann leis brí, fuinneamh agus scleondar an bhunscéil, Read More

Roald Dahl don Nollaig

Ceithre leabhar le Roald Dahl atá ar fáil i nGaeilge anois — Danny Seaimpín an Domhain agus Na Cailleacha agus Na Gamail— agus an ceathrú leabhar, Charlie agus Monarcha na Seacláide a foilsíodh níos luaithe i mbliana. Aistriúcháin bhreátha ar cheithre cinn de na leabhair is mó a bhfuil tóir ag léitheoirí óga orthu — agus an-tóir ag seanléitheoirí orthu chomh maith! Read More

"Ní Bhead Beo Mura dTite Cara nó Namhaid Liom Anocht"

I mbliana, a bhuíochas leis an eagrán breá nua den Táin le Darach Ó Scolaí, is féidir ionradh na gConnachtach a leanúint thar Sionainn soir tríd an Mí agus ó thuaidh go leithinis Chuailnge — é sin, agus muid suite go teolaí cois tine. Is féidir, agus seasamh i gcuideachta Chú Chulainn sa sneachta in Ioraird Cuilinn, in Áth Gabhla, i bhFochaird agus in Áth Fhirdhia, agus dúshlán na gConnachtach á thabhairt aige i 'gcluichí an átha'. Read More

Dickens agus Ó Duinnín don Nollaig

Beidh 'A Christmas Carol' 175 bliain d'aois an mhí seo — agus os cionn céad bliain d'aois i nGaeilge faoin teideal 'Duan na Nollag'. Seo é sárscéal séasúrach Charles Dickens faoin gcuairt a thug taibhsí na Nollag ar an gcnuastóir santach crua-chroíoch Eibinéasar Scrúg chun é a chur ar bhealach a leasa. Scéal breá taitneamhach é a mbainfí taitneamh as in am ar bith den bhliain. Read More

Sióga na Nollag

Leabhar draíochtúil Nollag is ea An Nollaig Thuas, leabhar sa tsraith álainn Síscéalta Lios Lurgain ina gcuirtear síos ar imeachtaí Luisne agus a cairde Sí. An uair seo, is i ndomhan na ndaoine (nó sa Domhan Thuas) atá Luisne agus a cara Deirdre ar saoire na Nollag. Read More

Féirín Fiannaíochta don Nollaig!

Faoi dheireadh is faoi dheoidh, tá an sárleabhar fiannaíochta Tóraíocht Dhiarmada agus Ghráinne ar fáil in eagrán breá sómasach don léitheoir cois teallaigh. Seo é an scéal céanna a chuir Nessa Ní Shéaghdha in eagar do Chumann na Scríbheann nGaedhilge in 1967 agus a foilsíodh mar théacsleabhar scoile in 1971. Read More

Trí Mhac Tíre Nua!

Ar cheann de na sraitheanna pictiúrleabhar do pháistí is mó rachairt i nGaeilge faoi láthair tá an tsraith álainn Mac Tíre leis an údar Francach Orienne Lallemand — go deimhin, ní in Éirinn amháin atá na leabhair seo á léamh ach ar fud na hEorpa. Read More

Duaisleabhar ar Ghearrliosta an Irish Book Awards

Tá ríméad ar an teach foilsitheoireachta Leabhar Breac a fhógairt go bhfuil An Tromdhámh le Feargal Ó Béarra ar an ngearrliosta don An Post Irish Book Awards 2019. Bronnadh gradam 'Leabhar na Bliana' (Gradam Uí Shúilleabháin) ar an leabhar céanna an mhí seo caite agus ó foilsíodh an leabhar tá aird nach beag ag léitheoirí ar an leabhar seo a chuirfeadh, mar a deir na foilsitheoirí fúithi "gliondar is gáire orthu siúd nach geal leo filí na Gaeilge! Read More

Leabhar na Bliana buaite ag an mBéarrach!

I dTeach an Ard-Mhéara i mBÁC aréir a fógraíodh buaiteoir Ghradam Uí Shúilleabháin 2019, An Tromdhámh le Feargal Ó Béarra, "leabhar a chuirfidh gliondar is gáire orthu siúd nach geal leo filí na Gaeilge," a deir na foilsitheoirí Leabhar Breac. Ag tagairt d'fhógairt an ghearrliosta dó, is é a dúirt an t-údar, Feargal Ó Béarra, "Is deas é an t-aitheantas. Tá súil agam go léifidh daoine An Tromdhámh le faghairt is fuinneamh ach go ngabhfaidh siad ar thóir an bhunleagain freisin (Tromdhámh Guaire) go mblaise siad den saibhreas suaithinseach atá i dtaisce i litríocht na hÉireann." Read More

Léitheoireacht an tSamhraidh: Kíor Thuathail

Scéinséir mór gréine é seo a choinneoidh an bháisteach uainn an samhradh seo — agus a thabharfaidh blaiseadh de chultúr na Meánmhara dúinn, cuma cá mbuilfimid fúinn. Scéal triúr comrádaithe a d'fhás suas ar shráideanna grianlasta Mharseille, agus grá acu don aon bhean amháin, atá in Kíor Thuathail (Total Khéops) le Jean-Claude Izzo. Dlúthchairde iad, scartha ó chéile ag an saol, agus tugtha ar ais le chéile ag an mbás. Read More

Clasaicí Beaga Bídeacha do Léitheoirí Beaga Bídeacha

Don Nollaig seo, tá na sé leabhar sa tsraith 'Clasaicí Beaga Bídeacha' ar fáil in éineacht ar lacaiste speisialta — picleabhair ghleoite de sheanscealta na hEorpa agus iad ar fáil i nGaeilge bhreá shimplí do na Gaeil óga sa bhaile! Read More

Duais Mhic Phóilin Buaite ag Táin Bó Cuailnge

I gCill Airne le linn Oireachtas na Samhna a dámhadh Duais Chuimhneacháin Aodáin Mhic Phóilin ar an saothar próis Táin Bó Cuailnge le Darach Ó Scolaí, leagan nua den saothar liteartha is íocónaí sa Ghaeilge. Foilseofar an leabhar i ndeireadh na míosa seo. Read More