Filleann Seoirse

~~€18.00~~

Luach Speisialta €12.00

176 lch, clúdach crua; ISBN 1 898332 59 6

"NA 10 nÚRSCÉAL IS FEARR Ó CHASADH AN CHÉID!" — Comhar

Is i dtraidisiún an úrscéil Eorpaigh atá an mhaolinsint chaolchúiseach Éireannach seo ar scéal na mblianta a mhair triúr óg ar scáth a chéile, ó theacht an strainséara go scaradh na gcompánach: 'Bhí Muiris stuama. Cuir leis sin an dearcadh rómánsach agamsa agus dearcadh tragóideach Sheoirse agus tá agat trí shleasa ár dtriantáin bhig.'
Seacht mbliana fhichead a bhí Lís agus níor bheag a bhí bainte amach aici. Fear maith aici, mac agus iníon orthu, agus iad ag cur fúthu i dteach beag gleoite cois abhann i mbaile cósta i gcóngar na cathrach. Mar sin féin bhí sí leamh den saol, nó shíl sí go raibh.

Ní úrscéal réadúil eile é seo ná baol air ach úrscéal gríosaitheach, meabhraitheach, machnamhach. Más coitianta an t-úrscéal fealsúnachta i dteangacha eile na hEorpa is breac fánach fós a leithéid i litríocht na Gaeilge. Seo scéal ina bhfuil cúrsaí smaointeoireachta, curia mothuchán agus cúrsaí machnaimh lárnach seachas aicsean agus gníomhaíocht na gcarachtar. Pléisiúr é don léitheoir an leabhar seo a léamh, a athléamh agus a chogaint. Cruthúnas é Filleann Seoirse le hÉilís Ní Anluain go bhfuiltear ag iniúchadh “the problems of today fearlessly dealt with in Irish: the loves and hates and desires and doubts of modern men and women” mar a mhol an Piarsach i 1906. Leag uait é seo go beo más leabhar deas éadrom atá uait; ábhar machnaimh é seo a ardaíon ceisteanna. Leabhar as traidisiún na hEorpa a chuireann crot na scéalaíochta ar chruacheisteanna agus ar aincheisteanna é Filleann Seoirse ach iad á gcíoradh ó thaobh na mban de in Éirnn ár linne. — Dr Brian Ó Conchubhair, Ollscoil Notre Dame

Rud nach bhfuil déanta ag mórán úrscéalaithe Gaeilge .i. an teannas sa saol pósta agus an caidreamh idir dhaoine a léiriú. Míreanna an-láidir sa scéal a mheabhraíonn Virginia Woolf agus Simone de Beauvoir dom. Léirítear ann aigne agus íogair an tráchtaire go seoigh. — Diarmuid Ó Gráinne

Guth nua le scéal síoraí, á insint le fuaimint ag fíorscéalaí. Beidh do chroí i mbarra do mhéire agat agus an scéal taibhseach seo á léamh agat. — Seán Mac Mathúna

Is eolgaisí gach aon duine mar gheall orthu féin fé dheireadh an leabhair.... Stíl lom dhíreach a iompraíonn na mothacháin atá á nochtadh aici. — Alan Titley, Comhluadar na Leabhar, RTÉ RnaG

Fileata, scríobhann sí ar nós péintéara. — Éils Ní Dhuibhne, Comhluadar na Leabhar, RTÉ RnaG
Úrscéal réadúil, liriciúil, liteartha.... B'fhiú fanacht leis. — Aingeal de Búrca, Comhar.

Ní Anluain's ability to catch day-to-day life and nuanced feeling is enviable, and she has crafted a very contemporary dialect.... Here is an accomplished author. One looks forward to her next book. — Pól Ó Muirí, The Irish Times

Filleann Seoirse: Léigh sliocht as an leabhar

Léigh an léirmheas iomlán ar shuíomh an Irish Times

Físeán den údar ar clubleabhar.com

Filleann Seoirse ar fáil ar Amazon Kindle

Líon

Leabhair eile a thaitneodh leat?

Hula Hul

Seán Mac Mathúna

~~€12.00~~

€9.00

"Ciarraí, 1923. Ar bharr an choma thuas chas sé agus d'fhéach sé thar n-ais. Bhí sí fós ann, le hais an tobair, is a buicéidín aici is í ag féachaint suas air. D'fhéach sí beag, leochaileach, uaigneach. Thuig sé na trí rud san go maith. Ní raibh sé riamh

Tuilleadh

An Bhean Feasa

Alan Titley

€12.00

Daoradh bean Éireannach chun báis ar chúis asarlaíochta agus crochadh i mBostún Shasana Nua í ar an 16ú Samhain 1688. Tagann sí anuas chugainn sa stair faoin ainm ‘Goody Glover’, bíodh gurbh ainm sclábhaíochta é sin. Is í an Ghaeilge an t-aon teanga a labhair sí sa chúirt, agus is sa triail a cuireadh uirthi is ea a fhaighimid an chéad tagairt don teanga i Meiriceá thuaidh. Is é atá san úrscéal seo ná samhlú ar shaol agus ar dhálaí na mná seo idir Bhostún, Bharbados agus Éire féin. Is i bhfoirm filíochta atá an t-úrscéal scríofa, an chéad cheann dá leithéid sa Ghaeilge.

Tuilleadh

An Cléireach

Darach Ó Scolaí

€12.00

Ghnóthaigh an chéad úrscéal seo Duais an Oireachtais 2007, agus Gradam Uí Shúilleabháin 2008. Suitear an Cléireach in Éirinn agus ar an Mór-Roinn i lár na 17ú haoise, agus mórthimpeall ar eachtra amháin, ach go háirithe, a thiteann amach le linn ionradh Chromail ar Éirinn, nuair a cruinnítear buíon bheag ar thaobh sléibhe agus, in ainneoin an áir atá á bhagairt orthu, ar feadh aon oíche amháin tagann aiteall sa bháisteach, soilsíonn na réaltóga, agus déantar ceiliúradh ar an ealaín is ar aislingí.

Tuilleadh

Scéal Ghearóid Iarla

Máire Mhac an tSaoi

€16.00

Buaiteoir Ghradam Ui Shúilleabháin 2011. Taoiseach Normannach, file Gaelach, agus leasrí Shasana in Éirinn ab ea Gearóid Iarla, mar a thug na Gaeil ar Ghearóid Mac Gearailt, 3ú hIarla Dheasumhan. Leath a thiarnas ó ché Phort Lairge anoir trí chontaetha Chorcaí, Luimnigh, agus Chiarraí, agus siar chomh fada le Caisleán na Mainge. In ainneoinn a chumhachta, cuimhnítear fós ar Ghearóid Iarla mar fhile a thug gean do na mná, agus mar sheandraoi. Ó pheann dhuine de phríomhfhilí na hÉireann an t-úrscéal seo, leabhar a bhfuil pearsa staire atá gar do chroí an fhile mar ábhar ann — Gearóid Mac Gearailt, 3ú hIarla Dheasumhan (1335-1398), taoiseach, leasrí, file — an fear ar bhaist na Gaeil ‘Gearóid Iarla’ mar ainm air. “Is seoid drithleach atá sa leabhar seo. Tá cur síos ann atá chomh beo, chomh braiteach, chomh lán de chroí is de nádúr, le haon rud atá léite agam le fada an lá, in aon teanga. Is fada ó bhraith mé chomh gar do shuíomh agus do phearsana staire. Anuas air sin tá giotaí comhrá agus cainte ann atá chomh blasta sin nach bhfuil aon tsamhail agam orthu ach mar a bheadh gráinní salainn ar an lus súgach, a bhaineann geit phléisiúrtha asat agus a chuireann fonn ort a thuilleadh a bhlaiseadh. Tá daonnacht agus grinneas agus dea-stíl scríbhneoireachta sa leabhar seo chomh maith le haon rud atá scríofa.” —Liam Mac Cóil "Léiriú ar mhianta, ar bhriseadh croí, ar fhulaingt, ar dhaonnacht mhóruaisle agus ghnáthdhaoine. Sin bua Mháire Mhac an tSaoi, bua na samhlaíochta.... Tá sí ina máistir go hiomlán ar an gceird." —Tadhg Ó Dúshláine, Comhluadar na Leabhar, RTÉ Raidió na Gaeltachta. "Éiríonn le Máire Mhac an tSaoi an cúlra staire a shníomh isteach san úrscéal ar bhealach an-chaolchúiseach." — Meidhbhín Ní Úrdail, Comhluadar na Leabhar, RTÉ Raidió na Gaeltachta. "Mac an tSaoi has not only written a beautiful and natural ode to a forgotten era of Irish life, an ode characterised by its humanity and poetic language but she has also usurped some of the more recent traditions that circumscribed the image or representation of Gearóid Iarla." — Micheál Ó hAodha, Dublin Review of Books Léirmheas ar Scéal Ghearóid Iarla ar an Dublin Review of Books Scéal Ghearóid Iarla ar Clubleabhar.com Físeáin Máire Mhac an tSaoi ag léamh as Scéal Ghearóid Iarla Agallamh le Máire Mhac an tSaoi faoi Scéal Ghearóid Iarla Scéal Ghearóid Iarla ar fáil mar ríomhleabhar don Khindle (amazon)

Tuilleadh

An Bhé Ghlas

Cathal Ó Searcaigh

~~€15.00~~

€10.00

I gcnuasach nua seo Uí Shearcaigh, tá a réim radhairc agus a raon tuisceana níos leithne ná riamh; an domhan sofheicthe agus an domhan dofheicthe á dtabhairt le chéile aige faoi gheasa glé an bhriathair; an léirfhocal cruinn agus an léargas grinn i dtolamh i bhfeidhm i ndéantús an dáin.

Tuilleadh

Teach an Gheafta

Cathal Ó Searcaigh

€18.00

Ar ghearrliosta an IRISH BOOK AWARDS
Scéal ógfhir atá againn anseo agus an samhradh cinniúnach a chaith sé i dTeach an Gheafta i Mín na Móna i nGaeltacht Thír Chonaill agus é ag iarraidh a shaol casta a shoiléiriú agus a bhealach féin a aimsiú. Ní dhearmadóidh tú in aicearracht an samhradh seo i Mín na Móna. Seo saothar atá lán de ghreann a thógfas do chroí, de chomhbhá leis an duine agus leis an dúlra, de léaspairtí solais is de mheabhraíocht spreagúil; an stíl deisbhéalach, an scéal dúshlánach.

Is fada ó tháinig úrscéal Gaeilge ó Ghaeltacht Thír Chonaill, agus níl amhras ar bith ach gurb é oidhre na nGrianach an file agus scríbhneoir Cathal Ó Searcaigh.

Tuilleadh