Sadhbh

Sadhbh: 80 lch; clúdach crua; ISBN 978-1-913814-57-1

Ar fáil: Meán Fómhair 2025

An bhean óg a fhaigheann an ceann is fearr ar na fir

Tá Sadhbh ar cheann de na scéalta is breáithe atá againn ón tseanlitríocht. Athinsint atá sa phictiúrleabhar seo do léitheoirí fásta ar an seanscéal Ceasacht Iníon Ghuile, scéal cliste greannmhar a thugann tús áite do bhean óg a fhaigheann an ceann is fearr ar na fir — agus ar Rí Mumhan ach go háirithe.

Leabhar raibiléiseach grinn

Díol suntais an scéal mar go bhfuil príomhpháirt ann ag pearsa de chuid na staire, Féilimí mac Criomhthainn Rí Mumhan (+847). Is i bpáirt an rí ghaoismhear chríonna atá Féilimí agus is í Sadhbh an bhean óg a thugann a dhúshláin agus a fhaigheann beannú an rí i ndeireadh an scéil.

Ní hé amháin go bhfaigheann Sadhbh an ceann is fearr ar an seanrí críonna, ach faigheann sí an ceann is fearr freisin ar na fir a dhéanfadh beag di, rud a léirítear i radharc raibiléiseach i dtús an scéil.

Is é Darach Ó Scolaí a scríobh an leagan nua seo den scéal, agus is é an t-ealaíontóir Alé Mercado a rinne maisiú ar an leabhar.